Finss.az xəbər verir ki, İqtisadi İnkişaf Nazirliyi Urals xam neftinin orta illik qiymətinin 2025-ci ildə 58 dollar (aprel versiyasında 56 dollar), 2026-cı ildə 59 dollar (61 dollar), 2027-ci ildə 61 dollar (63 dollar) və 2028-ci ildə 65 dollar (həmçinin 65 dollar) olacağını proqnozlaşdırır.

"Bizim baza proqnozumuz qlobal iqtisadi artımın davam edəcəyini nəzərdə tutur. Risklər (ticarət müharibələri səbəbindən əhəmiyyətli yavaşlama - ƏG) əlbəttə ki, qalır, lakin biz vəziyyətin sabitləşdiyini güman edirik. Biz neftin qiymətinin 2025-ci il üçün proqnozunu qaldırmışıq və 2026-2027-ci illər üçün aşağı salmışıq, lakin bu, əsaslı dəyişiklik deyil", - nazirliyin nümayəndəsi neftin qiymətini şərh edib.

Mərkəzi Bank iyul ayı proqnozunda vergi məqsədləri üçün müəyyən edilmiş Rusiya neftinin qiymətinin (İqtisadi İnkişaf Nazirliyinin proqnozuna görə, bu Urals markalı xam neftin qiymətidir) 2025-ci ildə 55 dollar, 2026-cı ildə 55 dollar, 2027-ci ildə 60 dollar, 2028-ci ildə isə 60 dollar olacağını güman edib.

Nazirliyin sözçüsü jurnalistlərə bildirib ki, İqtisadi İnkişaf Nazirliyi 2025-ci ildə Brent markalı neftin orta illik qiyməti üzrə proqnozunu baza ssenarisində bir barel üçün 68 dollardan 70 dollara qaldırıb.

Mətbuat katibinin sözlərinə görə, nazirlik çərşənbə günü Nazirlər Kabinetinin iclasında baxılacaq 2025-2028-ci illər üzrə sosial-iqtisadi inkişaf proqnozunun əsas parametrlərinin layihəsini hökumətə təqdim edib.